Ibaia NILSAko hezkuntza-taldearekin garbituz ospatu du Lodosako Baigorri ikastetxeak Uraren Eguna - NILSA

Martxoaren 22a Uraren Nazioarteko Eguna da, eta NILSAk, Nafarroako Gobernuko Lurralde Kohesioko Departamentuari atxikitako eta Uraren Ziklo Integralaren Planaren arduraduna den enpresa publikoak, bere hezkuntza-programaren bidez ospatu du. Izan ere, hainbat jarduera antolatu ditu aste honetan Lodosako (Ángel Baigorri ikastetxe publikoa, hilaren 18an eta 20an), Tafallako (Marqués de la Real Defensa ikastetxea, hilaren 21ean), Vianako (Erentzun ikastola, hilaren 22an) eta Doneztebeko (Mendaur institutua, hilaren 19an) ikastetxeetan.

Lodosan, zehazki, jarduera hauek egin dira gaur: tailerrak Haur Hezkuntzako bi gelarekin; Ebroren analisi kimikoa, Lehen Hezkuntzako laugarren mailatik seigarrenera bitarteko taldeekin; eta ibaia garbitzea El Ferial parkean, seigarren mailako ikasleekin. Haiek guztiek 200 ikasle baino gehiago inplikatu dituzte Uraren Egunean.

Bestalde, hilaren 19an, NILSAk hainbat jarduera egin zituen ikastetxe horretan bertan, dinamika berarekin: bisitak ibaira eta tailerrak gelan txikienentzat, Haur Hezkuntzako klaseetan. Eskaintza guztia hartzaile-mota bakoitzari egokitua dago, edukiei, arrisku-mailari eta beste eskakizun batzuei dagokienez. Hamar urtetik beherako ikasleek ezin dituzte araztegiak bisitatu, baina bai bestelako jarduerak eskatu ikasgelan eta kanpoan.

Gainera, NILSAko hezkuntza-programa doakoa da. Bestetik, ikastetxeentzat ez ezik, jende guztiarentzat da, hartzaileen % 76 ikastetxeak badira ere. Jarduerak hiru hizkuntzatan (gaztelania, euskara eta ingelesa) eskaintzen dira, eta helburu nagusia da araztegietan hondakin-uren tratamenduaren prozesua bertatik bertara ezagutu edo ibaiaren eta ibaiertzen eta ibaiertzen egoera ekologikoa aztertzea. Horrez gain, tailerrak barruan, hitzaldiak aniztasun funtzionaleko edozein talderentzat, udako jolasak udalentzat eta urtaro jakinetan haurrak jasotzen dituzten kontzejuentzat, edukiak enpresa, unibertsitate eta lanbide-heziketarentzat. Bestetik, aitzat hartzen ditu edozein kolektiboren eskakizunak. www.nilsa.com webgunearen bidez kontaktatu baino ez da egin behar, eta banan-banan artatzen dira eskaerak.

Xedea da uraren zikloa ezagutzeak baliabide horri eta ingurumen-jasangarritasunari buruzko jokabide egokietan hazten laguntzea da, batez ere ibai-ekosistemen garbiketari eta animalia-biziarekiko errespetuari dagokienez. Beraz, ahalik eta pertsona eta publiko objektibo gehienengana iritsi nahi du NILSAk.

NILSAk programa indartzeko asmoa du, eta, horretarako, eskaintza, irismena eta zuzkidura ekonomikoa handituko ditu hurrengo lizitazioan; uda baino lehen egingo da lizitazioa.
2022-2023 ikasturtean, 8.335 pertsonak parte hartu zuten. 480 taldetan egin zuten, zehazki, eta toki hauetatik zetozen: toki-entitateak (313 pertsona), ikastetxeak (6.635), goi-mailako irakaskuntza (449), premia bereziko zentroak (754) eta erakunde pribatuak (158).

2022-2023 ikasturteko datuak: https://www.nilsa.com/fls/dwn/curso2223docx.pdf